Tillarni oʻqitish kafedrasi tashabbusi bilan respublika ilmiy-amaliy anjumani oʻtkazildi

Samarqand iqtisodiyot va servis institutida "Xorijiy tillarni o‘rganishda ilg‘or innovatsion yondoshuvlar: milliy va xorijiy tajribalar" mavzusida boʻlib oʻtgan ushbu anjumanda xorijiy tillarni o‘qitishda samarali metodikalarni targ‘ib qilish, xalqaro tajribani o‘rganish hamda innovatsion texnologiyalarni ta’lim jarayoniga tatbiq etish borasida soʻz yuritildi.

Tadbirda yurtimizning turli hududlaridan oliy ta’lim muassasalari vakillari, tajribali pedagoglar, tadqiqotchilar va yosh mutaxassislar ishtirok etishdi.

Ma’ruzalar chog‘ida xorijiy tillarni oʻqitishning yangi pedogogik texnologiyalari, Oʻzbekistonda xorijiy tillarni oʻqitish boyicha milliy strategiyalar va ularning innovatsion komponentlari, sun’iy intellekt va raqamli platformalarning til o‘rgatishdagi o‘rni haqida fikrlar bildirildi.