Turizm kafedrasi jamoasi viloyat hokimi tashakkurnomasi bilan taqdirlandi

Tashakkurnomani Samarqand viloyati hokimi Adiz Muzaffarovich nomidan Samarqand iqtisodiyot va servis instituti rektori Muhiddin Egamberdiyevich turizm kafedrasi jamoasiga tantanali ravishda topshirdi.

Bu yuksak e’tirof jamoamizning turizm sohasi taraqqiyoti yo‘lidagi fidokorona mehnati, tashabbuskorligi va yosh avlod tarbiyasidagi sa’y-harakatlariga berilgan munosib bahodir.

Ana shunday qadrlash va e’tiborlar, ayniqsa kirib kelayotgan Mustaqillik bayrami arafasida, barchamizni yangi marralar sari chorlaydi. Yurtimiz istiqboli yo‘lida mehnat qilish, bilimli va tashabbuskor yoshlarni tarbiyalash biz uchun sharaf ham, mas’uliyat hamdir.