Samarqand iqtisodiyot va servis institutida yoshlar orasida sog‘lom turmush tarzini targ‘ib qilish, zararli odatlarning oldini olish hamda profilaktik ishlarni kuchaytirish maqsadida izchil tadbirlar tashkil etilmoqda.

Xususan, institut yoshlar bilan ishlash, ma’naviyat va ma’rifat bo‘limi uslubchisi G. Isoqova hamda psixologi D. To‘xtamishevalar tomonidan institutga biriktirilgan mahallalarda “Giyohvandlik – umr zavoli” mavzusida targ‘ibot uchrashuvlari o‘tkazilmoqda.

Tadbirlar davomida giyohvandlikning salbiy oqibatlari, uning sog‘liq va hayotga tahdidi, yoshlar kelajagiga ta’siri, shuningdek, zararli illatlardan yiroq bo‘lish va sog‘lom turmush tarzini shakllantirish masalalari yuzasidan tushuntirishlar berilmoqda.