Kechki ta’lim fakulteti birinchi bosqich talabalari institut boʻylab tanishtiruv ekskursiyasida ishtirok etishdi

Mazkur tadbir talabalarda institut hayotiga dastlabki qadamni qo'yish, o'quv jarayoni va yaratilgan shart-sharoitlar bilan yaqindan tanishish maqsadida tashkil etildi. Ekskursiya davomida yoshlar institutning asosiy o'quv binolari, zamonaviy texnika vositalari bilan jihozlangan auditoriyalar, axborot-resurs markazi, sport majmuasi bilan tanishtirildi.

Mazkur tanishtiruv ekskursiyasi birinchi kurs talabalari uchun nafaqat bilim maskanini yaqindan o'rganish, balki talabalik hayotining ilk taassurotlarini shakllantirishda ham muhim ahamiyat kasb etdi.