Institutda dual ta’limni yo‘lga qo‘yish bo‘yicha hamkorlik shartnomasi imzolandi

Samarqand iqtisodiyot va servis institutida ta’lim sifatini yanada oshirish, nazariy bilimlarni amaliyot bilan uyg‘unlashtirish hamda talaba-yoshlarni zamonaviy mehnat bozori talablariga mos kadrlar sifatida tayyorlash maqsadida muhim hamkorlik bitimi imzolandi.

“Karyera kuni” mehnat yarmarkasi doirasida Samarqand iqtisodiyot va servis instituti, Iqtisodiyot va moliya boshqarmasi hamda Kichik biznesga ko‘maklashish markazi o‘rtasida dual ta’limni tashkil etish to‘g‘risida hamkorlik shartnomasi imzolandi.

Mazkur shartnoma talabalarning o‘quv jarayonida egallayotgan nazariy bilimlarini bevosita amaliy faoliyat bilan mustahkamlash, ularni real ish muhiti bilan yaqindan tanishtirish, kasbiy ko‘nikmalarini rivojlantirish hamda bitiruvchilarning bandligini ta’minlash borasida muhim qadam bo‘ldi. Dual ta’lim tizimi orqali yoshlar bir vaqtning o‘zida ham ta’lim olib, ham amaliy tajriba orttirish imkoniyatiga ega bo‘ladilar.

Tadbirda raqamli iqtisodiyot kafedrasi katta oʻqituvchisi M.Erdonov tamonidan "Oliy taʼlim tizimida dual taʼlimni tashkil etish istiqbollari" mavzusida ma'ruza o'qib eshittirildi