Samarqand iqtisodiyot va servis instituti bank-moliya xizmatlari fakulteti tyutorlari tashabbusi bilan "Samarqand kitob olami" do‘koniga ekskursiya uyushtirishdi. Mazkur tashrif davomida talabalar do‘konning boy kitob fondi bilan tanishish imkoniga ega bo‘lishdi.

Shuningdek, ekskursiya davomida tyutorlar tomonidan kitob o‘qishning ahamiyati, o‘z ustida ishlash va intellektual salohiyatni rivojlantirish borasida qiziqarli suhbatlar o‘tkazildi. Talabalar uchun bu tashrif nafaqat ma’naviy oziqa, balki kitobxonlik madaniyatini oshirishga xizmat qiluvchi muhim tashabbus bo‘ldi.