“O‘zbekiston – kitobxonlar yurti” shiori ostida V Respublika “Kitobxonlik haftaligi” davom etmoqda.

Talaba-yoshlarning kitobga mehrini oshirish, ma’naviy olamini boyitish va ilm-fan sari yanada kengroq yo‘l ochish maqsadida joriy yilning 21–27-aprel kunlari Samarqand viloyat axborot-kutubxona markazida turli madaniy-ma’rifiy tadbirlar, ijodiy uchrashuvlar, kitob taqdimotlari, viktorinalar, mushoiralar va ko‘rgazmalar tashkil etilmoqda.

Mazkur tadbirda Samarqand iqtisodiyot va servis institutidan iqtidorli talabalar ham faol ishtirok etmoqda.

Tadbir davomida yoshlarga o‘z ijodini namoyon etish, zamonaviy yozuvchilar bilan uchrashish, kitobxonlik madaniyatini chuqur anglash imkoniyati yaratildi.