Talabalar turar joyida “Alisher Navoiy – ma’naviyat va adabiyot sultoni” mavzusida davra suhbati bo‘lib o‘tdi

Samarqand iqtisodiyot va servis instituti talabalar turar joyida tillarga o‘qitish kafedrasi professor-o‘qituvchilari tashabbusi bilan buyuk mutafakkir, shoir va davlat arbobi Alisher Navoiy tavalludining 585 yilligiga bag‘ishlangan “Alisher Navoiy – ma’naviyat va adabiyot sultoni” mavzusida davra suhbati tashkil etildi.

Tadbir davomida Alisher Navoiy ijodining ma’naviy-axloqiy ahamiyati, uning o‘zbek adabiyoti va jahon madaniyatidagi beqiyos o‘rni haqida atroflicha fikr-mulohazalar bildirildi. Talabalar tomonidan Navoiy asarlariga bag‘ishlangan she’rlar o‘qildi, mushoira va ijodiy chiqishlar tashkil etildi.

Davra suhbati yakunida talabalar o‘rtasida bilim va tafakkurni sinovdan o‘tkazishga qaratilgan KAHOOT platformasi orqali qiziqarli intellektual musobaqa o‘tkazildi.