Samarqand iqtisodiyot va servis institutining iqtidorli talabalari Germaniyada tahsil olishadi

Samarqand iqtisodiyot va servis institutining 4 nafar iqtidorli talabalari (Rozoqov Muhammadaziz, Obilov Sarvar, Nosirova Mushtariy va Usmonov Fariddun) Germaniya Federativ Respublikasining Nordxauzen amaliy fanlar universitetida “Talaba almashinuvi shartnomasi”ga asosan 2024-2025-o‘quv yilining bahorgi semestrida, 1-apreldan 1-sentyabrgacha muddatda, akademik mobillik dasturi asosida tahsil olib qaytishadi.

Samarqand iqtisodiyot va servis instituti rektori Muhiddin Poʻlatov safar oldidan talabalar bilan uchrashib, ularga oʻzining qimmatli tavsiyalarini berdi hamda bunday mas'uliyatli davrda ularga omad tiladi. Talabarga Germaniyadagi oʻqish mobaynida fanlarni yaxshi oʻzlashtirish, xorijiy tillardagi koʻnikmalarini oshirish, yangi zamonaviy loyihalardagi tajribalarni oʻrganish va xorijlik tengdoshlari bilan yaxshi aloqalarni oʻrnatish muhimligi ta'kidlandi.

Talabalarning oʻz oldilariga qo'ygan maqsadlari va oʻqish mobaynidagi rejalari eshitildi. 

Shuningdek, mas'ullarga talabalarning Germaniyada tahsil olish davrida muntazam aloqada boʻlib turishlari ta'kidlandi.

Ma'lumot uchun: Nordxauzen amaliy fanlar universiteti (nem. Hochschule Nordhausen) Germaniyaning Turingiya shtatining Nordxauzen shahrida joylashgan. 1997-yilda tashkil etilgan.